少林功夫勁~之! 青衣三支香

挑戰路線: 青康路--> 青衣細山徑--> 三支香 X2 (原路折返)

長度: 大約4公里 (?)

難度: 2/5

景色: 2/5

話說係某個星期日，冇人陪嘅友人寂寞難耐，於是就叫同樣冇人陪嘅小妹一齊去冇雷公咁遠嘅青衣行山。

咁呀友人就話想睇日落同夜景，所以我地成2點先出發。

搭42號巴士去到青衣，我地係長青巴士總站落車嘅，不過小妹強烈懷疑我地落錯車，因為都兜咗少少路咁，因此小妹大膽(不負責任)地推測應該係前一個站，即係美景花園度落:P(有錯請指教)

盪失路咗一陣，一個伯伯好好咁為我地指點迷津，大約3點半左右終於開始上山-.,-

上第一支香嘅個段路比較多山墳，所以行個陣好小心翼翼，大家行呢段路嘅時候都要記得尊敬返，唔好打擾先人~

← 對面可以見到針山~同埋樓 x N棟 Lmao

↓ 沿途Keep住見到少少海~個日天氣唔錯

啲路大部分都係石屎路同石級黎，所以一啲都唔難行。不過需要上上落落三個山頭(其實係山丘仔Lol)，係有少少體力要求嘅。沿路仲會有啲天梯，例如咁:

不過沿路都幾有feel，連埋座山嘅名都好有中國宗教Feel咩料(笑)

個feel似去緊少林寺咁，一路行一路唱: 少林功夫勁~~~~~~~~~

港女上身嘅我地連樓梯都唔放過:

懷疑友人患有過度活躍症，行行下係度跑樓梯-.,-身為一個supportive嘅朋友梗係要以行動表示支持，於是小妹又跟住跑......係落山個陣(笑)

係擾擾攘攘大概一個鐘之後，我地終於到咗第三支香嘅山頂啦~!!!!!!!!!山頂個景色唔錯，飽覽成個青衣全景，仲見到久違嘅青馬大橋(後尾fced原來係昂船洲大橋LMAO)，勾起咗小妹嘅旅行癮wuwu

我地行咗去突出黎嘅石度影相，係靚嘅，但都有少少危險，所以大家要量力而為呀~

想像到呢度夜景一定好靚~

雖然友人曾經提議睇埋日落同夜景先走，但由於第二條落山路線(春花落)太過陡斜，我地被逼要原路折返，膽小如鼠der小妹一諗起落山經過個段路果斷OBJECTIONNNNNN!!!!!!!!!於是我地5點幾個陣就匆匆忙忙原路落山lu~落山之後搭翻42號巴士翻屋企。

總括黎講，青衣三支香都幾適合新手行，不過實在太多鋪得太好嘅石屎路，冇咩行山嘅感覺，而且沿途風景都冇咩大surprise(睇海or日落大把靚過佢嘅)所以個人就唔會再行第二次lu~

btw今次行山仲有另一個任務，就係做清道夫XD

山上面好多垃圾，尤其係紙巾同煙頭!

在此呼籲各位行山要愛護環境，唔好亂拋垃圾呀!!!!

Recent Posts